  |
    |
節錄於《一公升之淚》
不要著急 不要貪心 不要放棄
誰都一步步走出來的
痛苦的不僅僅是自己
不能得到他人理解 不能理解他人 兩者都很可憐
我的人生正如未開的花蕾
想在這青春的開始
不留下後悔好好珍惜
媽媽 在我心中有永遠信任我的媽媽
以後也要多承蒙您照顧
讓你擔心了 對不起
病魔 為什麼要選擇我 命運 一言難盡
我想製造出一台時光機 回到過去
如果不是因為這場病 我還可以去好好談一場戀愛
也不必要去依靠誰自由地生存下去
我已經不說什麼想回到從前之類的話了
認清現在的自己 好好活下去
雖然有時會被無情的眼神傷害
可我也知道同樣也有溫暖的眼神
所以 我堅決不會離開
因為這是我所存在的地方
跌倒又有什麼關係 還可以再站起來
跌倒了還可以順便仰望天空
今天的天空也滲透著無際的海藍色 朝我微笑
人不該活在過去
只要做現在力所能及的事情就可以了
媽媽 我可以結婚嗎
今日本來又係BBQ日，不過因為早上踢波太累了，下午都沒氣力去大尾督，最後去我地的主場官涌食飯，不過今日唔見老闆娘係度，原來去左馬拉松，真係佩服。但這已經好過姓司名X的隊友了，跑三個圈都未有，就扒係度，真削…
之後去左朋友屋企打麻雀，經過大戰之後，結果係無輸無贏，白做…，蕃薯我都話我唔啱你架啦，我唔會同你一齊沉淪落去，呵呵…
跟住返到屋企已經10點幾了，諗住睇下兩集《一公升之淚》啦，點知一睇就睇了八集，不過的確不錯，唔怪得網上面咁多討論咁HIT啦，D人仲話第一集已經忍唔住哭了出來，但我就覺得頭一二集普通了些，可能期望太高掛，不過之後對部戲的感覺就好很多，而且好有同一屋簷下個FEEL，或者個女主角個感覺比人覺得有點似酒井法子FEEL。睇過了八集之後，好彩我仲未有哭呢，不過第六集二家姐同細佬果幕，我諗好多人都死係佢手，的確有點感觸。最後睇到五點先去訓覺(聽朝仲要返工…慘)，第一次試了連續睇八集電視劇的感覺，如果不是因為要返工，我想我會看到大結局呢，未睇的朋友就快D睇啦，真係一部值得推薦的日劇。
今天下午同小丹、CRYSTAL、WINNIE、WINNIE表弟、SHERRY和CHERIE去左BBQ，但地點卻在市區的京士柏菲律賓會，環境尚算OK，不過食物太普通了，沒有什麼特別，價錢卻要$118大元，不過那個侍應太不濟了，就走的時候先攞D金沙骨出來，真係…
之後同朋友出去旺角，同朋友去信和睇相，睇佢個樣咪又係買蔡依林D相比大埔果個人，唔使唔認喎，我就搵緊隻《一公升之淚》的日劇，但唔知係未出定賣哂呢，竟然睇唔到有正版賣，"反蛋"就度度都係，仲要150大元，咁不如咩仲好過。
補了成個新年假的blog了，今個農曆年假就快完了，今個假除了同朋友仔踢波、打麻雀外，仲有約下d朋友仔出來食飯、行下街啦，前幾日仲買了個$400銀的電磁爐都未用，搵日要同個爐開一開爐，食個開爐飯，離緊星期六同日就會同朋友去bbq.一日就去尖沙咀、一日就去大尾督燒。今個假就無去拜年，開始對拜年無乜感覺了，可能人大了掛。如果自己係屋企的話，就會睇網頁同睇書，係圖書館借左d投資同股票的書看，希望遲d有用掛。
仲有近排就追睇難兄難弟，很久沒追看電視劇了，除了近排的情陷夜中環同創世紀之外，都沒有什麼值得追看。套劇真的幾搞野幾搞笑，原來這部電視劇已經9年了，97年到現在，時間過得真係快，真係要快d儲多點錢之得，仲有張生日卡都仲未寄比我的仔仔，都係快快手寄左去先，都很久沒收到他的信了，現在怎樣呢。
今日約了朋友去踢波，姓司徒的某名人仕又放飛滋
，今日又有新玩意玩，玩射柱時要加入大懲罰，但現在的懲罰並不是射龜了，係做體能訓練，那一個射不中的話，就要做掌上壓、sit-up、跑圈、接龍。可惜我今次的表現奇差，只係射中過一次，害我做左n咁多次的掌上壓，做到兩隻手返屋企麻痺了幾日，不過我d隊友今日都唔好得幾多，d命中率都係同我差不多，最後的跑圈接龍仲要比我快放呢，呵呵…
緊住去左朋友仔屋企打麻雀，但唔係玩香港麻雀，係玩跑馬仔，竟然lose 左我3大元，狗年arm arm 開始竟然比人破我的跑馬仔不敗紀錄，下次我一定會報仇的。
星期六係公司的Annual Dinner，今年主題係Magic，所以公司的同事都諗扮什麼去好，我就帶左個米奇耳仔頭飾去，簡單方便....
，今年地點就係港麗酒店，今年這個Annual Dinner請了以前一個名主持陳xx(但已經唔記得個名字了，好明顯我並唔係那個時代的人呢)&蘭子做客席主持，今年Annual Dinner我都期待已久了，原因係一直對那個現金獎虎視眈眈，可惜最後我竟然抽了一部OTO e足健.有誰對它有興趣呢，快快聯絡我吧。
Dinner除了有遊戲比賽外，還請了兩名歌手來表演，好像都是由LA來的，不過我對那個JAZZ樂的那黑人有興趣多些，如果可以放係食飯時間聽的話效果會更好，比那個女歌手勁歌熱舞好得多，那個黑人其中一首仲要用中文唱月亮代表我的心，完全掂啦。
是日流程-
->1:00pm 起身(屋企休養生息
)
->4:00pm 食Lunch
->5:00pm 買鞋(對鞋今日爛左
)
->6:00pm 同蕃薯出去旺角買野，諗住買喇叭，不過最後我都無買到。
->7:00pm join 朋友仔行尖東(係尖沙咀兜圈…兜圈…再兜圈
)，晚餐最後變左係海港城的KFC攪掂，勁多人等位(之前都話左食豪D架啦，BOOK定位食自助餐咪好，唔想等位)，下次都係等我學一學D廚技，煮聖誕大餐好D啦
)
->1:00am 回家(發覺隻腳d腳甲都幾痛，可能是新鞋吧，真係鼻又塞、腳又痛)
->1:30am 食藥&上網
->2:30am 睡覺
，好多資料都找不到了。唉…成為2006年度第一件令人沮喪的事。
今日係公司變左做橙色口罩怪。(仲比個E字頭的同事話似D韓國農民，你幾時見到D戴口罩嘅韓國農民仲仍然係咁靚仔架
)
